影片
更多
2020-03-04
262 瀏覽
店員將我地安排喺半開放嘅座位，可以直視商場，夠晒開揚舒服。菜式選擇豐富，有意粉、肉類、海鮮、甜品等等，仲有多款特色飲品。率先登場嘅係雞肉沙律，雞肉表面微微烤香，沙律菜夠新鮮，夾埋沙律醋好開胃。南瓜湯香甜順滑，南瓜味極濃。麵包軟熟，充滿香草味，餅乾條夠脆，點少少蛋黃醬好好食，三條真係唔夠喉。牛扒一上枱炭燒香撲鼻而來，坑紋亦燒得相當靚，外面燒得咁靚，等我切開嚟睇下入面係咪都咁正先。嘩 ！咁靚嘅medium rare真係可遇不可求，火候掌握得非常之好，廚師應記一功，西冷扒冇乜筋，肉味濃郁。粗薯條新鮮炸起，其他配菜亦用茄汁炒過，絕不馬虎。墨魚汁香濃柔滑，同al dente嘅扁意粉融為一體，雖然冇加忌廉，但食落卻極之creamy，帶子煎到表面金黃，內裏保持鮮嫩，海蝦亦煎得非常香口，咬落實淨。曾經喺曼谷飲過一杯以Expresso做冰磚嘅Latte，估唔到喺呢度遇到類似嘅飲品，即刻叫嚟試下，一飲落去簡直驚為天人，直頭係飲左件Tiramisu落肚，好好飲，一試難忘。薄荷同朱古力嘅味道平衡得好好，朱古力味濃，唔會過甜。
店員將我地安排喺半開放嘅座位，可以直視商場，夠晒開揚舒服。
菜式選擇豐富，有意粉、肉類、海鮮、甜品等等，仲有多款特色飲品。
率先登場嘅係雞肉沙律，雞肉表面微微烤香，沙律菜夠新鮮，夾埋沙律醋好開胃。
南瓜湯香甜順滑，南瓜味極濃。麵包軟熟，充滿香草味，餅乾條夠脆，點少少蛋黃醬好好食，三條真係唔夠喉。
牛扒一上枱炭燒香撲鼻而來，坑紋亦燒得相當靚，外面燒得咁靚，等我切開嚟睇下入面係咪都咁正先。嘩 ！咁靚嘅medium rare真係可遇不可求，火候掌握得非常之好，廚師應記一功，西冷扒冇乜筋，肉味濃郁。粗薯條新鮮炸起，其他配菜亦用茄汁炒過，絕不馬虎。
墨魚汁香濃柔滑，同al dente嘅扁意粉融為一體，雖然冇加忌廉，但食落卻極之creamy，帶子煎到表面金黃，內裏保持鮮嫩，海蝦亦煎得非常香口，咬落實淨。
曾經喺曼谷飲過一杯以Expresso做冰磚嘅Latte，估唔到喺呢度遇到類似嘅飲品，即刻叫嚟試下，一飲落去簡直驚為天人，直頭係飲左件Tiramisu落肚，好好飲，一試難忘。
薄荷同朱古力嘅味道平衡得好好，朱古力味濃，唔會過甜。
張貼
