日本野 (已結業)

話說上個月同朋友食飯，想食日本野，點知真係有鋪叫日本野！所以即刻入去試下，點知大伏。。。叫左幾樣野，牛肉壽喜燒真係唔值得食，而且有少少甜，陣味好怪！而且得個幾片牛肉，仲賣248一份，性價比低到無人有。總體味道一般，但248可以有更好選擇！其次係芝士餃子，個搭配完全失敗，炸餃子配芝士搞到皮變得好軟，唔知係咪擺得太耐無送過黎，口感好差。而且芝士無味，芝士冇芝士味，感覺好似特登溝淡左。柚子雞翼68一份（5隻），汁太多，其實更加似糖漿多D，又係把醬料配埋炸野，雞翼變得好軟，而且汁太多蓋過雞翼的煎炸味，冇左原本雞翼既香味，太失敗，一D都唔脆。唯一可稱讚既只有和風沙律，一粒粒既珠好得意同埋好新奇，沙律有口感幾好味，感覺幾新鮮。但係其實呢個唔係主菜啊，總體黎講真係唔得，冇下次。