壽司派 (已結業)

唔知係咪受過明將之役教訓，我而家對壽司要求無以前咁苛刻，依間鋪我眼中無其他食評講得咁差，基本上屬於中上水平。是夜我每個種類都試，先講手卷，用料算幾充足，我試佢主題手卷，內裡加添辣味肉鬆，口感幾特別，缺點係紫菜唔夠脆。軍艦方面我試海膽、魚籽等等，味道都不錯，個海膽就淡少少。火炙佢做得唔錯，其中帶子好大隻，而鰻魚更帶有微溫，食落有一種暖意。最後值得推薦係鵝肝壽司，每件真係有一大塊鵝肝，未有偷工減料。不過佢標價就貴，九蚊同十四蚊絕無僅有，廿蚊以下都無乜好食，相比附近板前始終會被比了下去。