西苑酒家

營業中

休息中

以前都經常去，疫情過後一段時間冇嚟，諗住帶家中老人家嚟飲下茶，點知茶都未飲已經食咗一肚氣！響門口等知客安排座位已經超過10分鐘，原來去咗幫個熟客做外賣！最後酒樓只提供一小時用膳時間，為免老人家行來行去，所以無奈接受！座位安排在酒樓最入邊的房間，入座後超過10分鐘都冇人理冇人開茶！諗住可能冇人知道已經有客在房，唯有主動去找侍應幫忙。佢招呼完阿乜先生物公子之後回應一句，一陣得閒自然會有人嚟幫你！原來此高級酒樓有如此佛系的服務態度，真係大開眼界！家中老人家十分憤怒，寧願去第二間酒樓好過！