影片
2018-09-11
3365 瀏覽
由於喺媽咪正日生日嗰日Oppa要返工，所以我們一家四口就提早同媽咪慶祝，而我們就揀咗以前食過覺得出品相當唔錯喺旺角朗豪坊嘅「八月軒」食晚飯！我們叫咗海鮮炒鮮奶一上碟嗰陣我們見到出晒水已經覺得有啲怪怪，點知食第一啖就已經感覺到有一股臭味，而且啲鮮奶亦炒到過咗火，所以係比較老唔係好滑溜！洛神花黑豚骨嘅賣相表面睇落覺得無咩問題，但食落就知道同上次食嗰碟簡直係天淵之別，因上次係有經過「走油」，所以食落嘅質感係外脆內軟，但今日呢碟係炸到「無啲鑊氣」咁，所以食落非常肥膩，好似食緊一「嚿」沾滿酸酸甜甜洛神花醬嘅肥豬肉咁！松露醬香煎比目魚伴岩米嘅比目魚煎得都幾香口脆身，肉質亦都幾彈牙，但岩米就唔係好煙韌彈牙，質感相當腍身！極品醬油炒飯初頭睇到餐牌寫個名話係極品以為會係好好嘢，點知一上碟睇到個賣相已經覺得係一碟相當普普通通嘅醬油炒飯，因他們完全無加添任何嘅色彩去點綴一吓，而且食落亦都無咩特別嘅驚喜！金沙脆炸蕃薯表面睇落以為都幾大粒，但外層嘅炸粉係非常厚身，而蕃薯就係相當細件，感覺好似係有啲鹹蛋黃香味嘅炸粉先係主角咁！黑醋珠伴豚肉係將豚肉整成一個個豚肉丸，再加啲黑醋珠喺面，雖然黑醋珠有都算幾香濃嘅黑醋味，
總括：今晚嘅食物出品比以前差咗好多，我們已經超級唔滿意，而且海鮮炒鮮奶有問題壞咗同臭咗，正常嘅人都會攞去換或退啦，但店員嘅態度係超級不滿我們要取消咁，仲要即刻對著我們黑口黑面咁，難度變壞咗我們都應該要照食嗎？真係荒天下之大謬呀！
海鮮炒鮮奶
59 瀏覽
0 讚好
0 留言
洛神花黑豚骨
75 瀏覽
0 讚好
0 留言
松露醬香煎比目魚伴岩米
60 瀏覽
0 讚好
0 留言
極品醬油炒飯
68 瀏覽
0 讚好
0 留言
金沙脆炸蕃薯
36 瀏覽
0 讚好
0 留言
黑醋珠伴豚肉
56 瀏覽
0 讚好
0 留言
蛋白杏仁茶
46 瀏覽
0 讚好
0 留言
101鮮果拿破崙
58 瀏覽
0 讚好
0 留言
查看之前的留言 ()
張貼
