影片
更多
2017-09-10
1338 瀏覽
早幾個禮拜喺碼頭分店試咗佢地嘅香蒜炸魚薯條，今日決定要喺蘇豪分店再encore！蘇豪分店比碼頭分店感覺再chill啲，週末嚟食個late lunch好寫意。我自己就覺得呢度坐得幾舒服，避開咗橫街嘅熱鬧，但又保持住蘇豪嘅氣氛。叫咗一份炸鱈魚配薯條同我嘅最愛香蒜炸魚洋蔥圈，七十幾蚊有炸魚有side dishes有埋sauce真係好抵食，我都好surprised點解可以咁平，同區閒閒地都要百幾蚊上落，仲要細細份，呢度嘅份量仲要一啲都唔孤寒，炸魚長個我手掌，薯條肥嘟嘟，洋蔥圈仲大過個拳頭。成件事present得好好睇，even張索油紙都係模仿泰晤士報，好有英倫風味。食炸嘢最緊要夠熱，唔夠熱嘅炸嘢好食極有限。呢度嘅炸魚係即炸，所以嚟到熱辣辣。鱈魚唔會一切就碎輯輯，證明都好新鮮，炸份好薄，魚同粉亦都唔會分離，鹽花好均勻，每一啖都好香口。香蒜炸魚依然係咁好味，香蒜味好濃郁，炸魚入面嘅蔬菜令到口感提升，唔會一味係濃香咁單調，配他他醬或者Mayonnaise都好夾。呢個炸魚薯條做得最好嘅係一啲都唔重油益味，即使一路食一路傾吓計，過咗個幾鐘炸魚薯條都可以keep住個新鮮口感。佢地嘅craft beer b
叫咗一份炸鱈魚配薯條同我嘅最愛香蒜炸魚洋蔥圈，七十幾蚊有炸魚有side dishes有埋sauce真係好抵食，我都好surprised點解可以咁平，同區閒閒地都要百幾蚊上落，仲要細細份，呢度嘅份量仲要一啲都唔孤寒，炸魚長個我手掌，薯條肥嘟嘟，洋蔥圈仲大過個拳頭。成件事present得好好睇，even張索油紙都係模仿泰晤士報，好有英倫風味。
食炸嘢最緊要夠熱，唔夠熱嘅炸嘢好食極有限。呢度嘅炸魚係即炸，所以嚟到熱辣辣。鱈魚唔會一切就碎輯輯，證明都好新鮮，炸份好薄，魚同粉亦都唔會分離，鹽花好均勻，每一啖都好香口。
香蒜炸魚依然係咁好味，香蒜味好濃郁，炸魚入面嘅蔬菜令到口感提升，唔會一味係濃香咁單調，配他他醬或者Mayonnaise都好夾。呢個炸魚薯條做得最好嘅係一啲都唔重油益味，即使一路食一路傾吓計，過咗個幾鐘炸魚薯條都可以keep住個新鮮口感。
佢地嘅craft beer brewed in Hawaii，Big Wave 果香味重；Five Rock 麥味為主，我自己鐘意甘苦味濃啲嘅craft beer，Five Rock岩飲啲。
強調多一次我覺得呢度嘅炸魚薯條真係好抵食，更加唔會將貨就價，真係比到好高質素嘅食物出嚟，係香港市區真係好少見。
張貼
