張榮記蝦子麵廠

營業中

休息中

呢度嘅「金方蝦子麵」除價錢合理，蝦子夠多外，麵質亦非常爽彈咸香，亦有麵粉及蛋香味，我唔覺意幫襯咗兩三年，由於距離屋企遠，所以每次去最少買兩斤返去嘆，一斤有十個麵，維起每個5蚊有找，更比食公仔麵健康。當你獨守空房或夜蘭人靜時，肚餓唔知食咩，又唔想食公仔麵的話，煮返兩個蝦子麵就啱啱好嘞湯麵最easy，而我最鍾意用佢整撈麵。材料=「金方蝦子麵」..............................兩個 (份量自定)葱花..............................適量蔬菜 / 肉類..............................自選喜好調味料=麻油..............................適量煲仔飯豉油..............................適量做法=1) 將適量清水煮滾後，將「金方蝦子麵」放滾水煮約三分鐘，瀝旱水待用。2) 將其他材料淥 / 炒熟。3) 將煲仔飯豉油、麻油與金方蝦子麵撈好，再將葱花及其他材料與麵混合後即可進食。而新年亦可買嚟送禮，可免費轉禮盒，除大方得體外；亦比送曲奇/朱古力實際