滿樂中菜 (已結業)

聽聞呢度新開，請咗好多大厨幫手 set up，梗係去試吓啦，是晚除了棒場外，我特意來食叉燒同燒鵝，仲有翅。餐單是我提早訂的，餐單如下:蜜汁叉燒燒鵝半隻花膠海皇翅芝士焗龍蝦（伊麵底）黃金蟹蓋 （4隻）瑤柱扒四寶菜紅豆沙生果盆4位吃，飽到打包一半，叉燒唔洗問，陳師傅名技，食過太平洋會嘅就知，燒鵝個皮係脆嘅，連鵝胸都好嫩唔柴，翅很足料，大大條的，份量亦很多，基本上已經飽了一半; 龍蝦很新鮮，熟度啱啱好 ，略嫌伊麵份量較少；黃金蟹蓋啖啖蟹肉，瑤柱扒四寶菜真是分開四類菜，並非炒埋一碟；最後碗紅豆沙真係好正，陳皮味恰當。現在很少中餐館有呢個水準，並非粗製濫造。