Waffills (已結業)

早幾日一個人喺銅鑼灣行街， 行吓行吓見到有一間比利時窩夫專門店叫Waffills，見到個Menu寫住比利時大廚主理，幾特別啵∼就入去試吓新野。我本身鍾意食蘋果批，所以就叫咗個雪糕蘋果批窩夫嚟試下。呢個窩夫嘅製作好認真，我每切一下個窩夫都發現入面有好多一粒粒嘅蘋果粒∼好足料！配埋比利時嘅雪糕，雪糕同窩夫一齊食，甜度啱啱好唔會太膩，而且窩夫仲好鬆脆，唔會因為入面啲蘋果粒而搞到林曬，值得一讚！窩夫外面仲灑滿杏仁粒，加添一份咬口∼另外，我仲見到個Menu上面有一啲咸食嘅窩夫，例如鵝肝醬窩夫烤餅、烤豬肩肉窩夫烤餅，都幾特別∼等我下次去銅鑼灣濕平時再試下先∼∼