糖品 (已結業)

今晚放工同同事係東大街食完晚飯諗住搵個地方食下糖水吹多陣水，原本打算試下隔離新開嘅糖水鋪，但同事話上星期岩岩試過好一般，所以最後去左呢間，佢話呢間d野好食d，咁就即管試下啦其實本人並不是甜品控，就算食都係食中式糖水多，但朋友話黎到呢間就要試下d特別d嘅甜品，之後店員就出場介紹左一輪，店員好熱情，一邊介紹佢地呢期新出品一邊又好似當我地係朋友咁閒話家常，感覺好親切入番正題，到最後我係試左呢個有Bailey 味嘅梳乎厘，講真，本身我麻麻地梳乎厘，但呢個梳乎厘Bailey 味十足，遮蓋左平時梳乎厘個陣濃濃嘅蛋腥味，口感好好，軟棉棉，食完又唔覺好膩...完全改變左我對梳乎厘嘅印象下次黎可唔可以都係食番呢個呀？