新金鐘食堂 (已結業)

公司附件的兩間茶餐廳，一是新金鐘，另一是車鹵仕，原來係同一個集團的。之前次次都係去後者，今日就走去新金鐘試吓。賣的都是差不多既東西，我也不想諗太多，就來一個午餐B，是日係蘿蔔牛腩飯。蘿蔔唔算太稔身，好在無根；牛腩偏韌，而且唔入味，牛根也不出色，明顯是烹調時間不夠，吃幾件便收手。同事叫了叉燒燒肉雙拼，我也吃了一點。叉燒全瘦，好韌，少一點牙力都唔掂；燒肉的皮，硬而不脆口，就連芥末也是稀稀的，一無事處。繁忙時間，好多人在等位，飲埋杯凍檸茶馬上走人，唔好阻住地球轉。