大川滬 (已結業)

呢家係土瓜灣嘅街坊上海小菜，真係要介紹一下。首先你一定要叫呢一度嘅鍋貼同埋小籠包。鍋貼要等15分鐘，因為全部都係i現叫現煎，外皮脆裏面軟林林，熱辣辣，一咬開嘅時候裏面嘅湯爆哂出嚟，真係好正。小籠包比起名店更加正宗更加正，皮非常之薄，係正宗嘅皮薄餡靚。而且裏面有好多湯，食落口嘅時候直頭係會辣親嘴唇呢。涼菜牛𦟌伴海蜇亦都做得非常之好，酸辣湯亦都好正宗，湯味濃郁。原來呢度仲有早餐午飯廣東小菜，宵夜都開到一點，凌晨一點仲有小籠包食真係搵唔到啦。真係好方便而且最緊要係價錢非常街坊非常便宜。