影片
更多
2008-04-16
8 瀏覽
上次食完壽司廣0既lunch 之後回味無窮, 今日約埋朋友J 及朋友M 0黎試試聞名已久0既見城. Book 了1:30pm, 0黎到仍然要等位, 佢真係好生意lak... 終於0係bar 檯坐低後, 即刻叫了3 份自選壽司set lunch, 有8 款手握壽司及1 款卷物, 我0地0既「問題程度」真係辛苦了落單waitress XD先0黎蒸蛋, 有冬菇, 雞肉, 銀杏, 日式魚蛋及唔知乜0野菜, 咁多樣以銀杏最好食, 又軟熟又粉又完全無苦味, 一向唔食銀杏0既我都覺得好滋味; d 蛋蒸得好滑, 湯味道好清亦比較淡口, 我覺得壽司廣的同類出品好食d.味噌湯材料豐富, 味道比出面好多地方的厚, 幾好飲.8 件全部唔同的自選壽司係逐件逐件上的, 件件都好新鮮, 味道真係無得頂:- 手握壽司飯: "body tempature" 的, 放入口感覺溫和, 珍珠米醋味適宜, 黏黏韌韌又完全唔會散晒, 師傅好勁呀!- wasabi: 本來無諗住講, 但呢度的實在香而不辣, 食得過癮!- 甜蝦: 一般爽, 不過味道好鮮, 正!- 三文魚籽軍艦: 紫菜唔脆, 但d 三文魚籽粒粒飽滿, 晶瑩剔透, 一
先0黎蒸蛋, 有冬菇, 雞肉, 銀杏, 日式魚蛋及唔知乜0野菜, 咁多樣以銀杏最好食, 又軟熟又粉又完全無苦味, 一向唔食銀杏0既我都覺得好滋味; d 蛋蒸得好滑, 湯味道好清亦比較淡口, 我覺得壽司廣的同類出品好食d.
味噌湯材料豐富, 味道比出面好多地方的厚, 幾好飲.
8 件全部唔同的自選壽司係逐件逐件上的, 件件都好新鮮, 味道真係無得頂:
- 手握壽司飯: "body tempature" 的, 放入口感覺溫和, 珍珠米醋味適宜, 黏黏韌韌又完全唔會散晒, 師傅好勁呀!
- wasabi: 本來無諗住講, 但呢度的實在香而不辣, 食得過癮!
- 甜蝦: 一般爽, 不過味道好鮮, 正!
- 三文魚籽軍艦: 紫菜唔脆, 但d 三文魚籽粒粒飽滿, 晶瑩剔透, 一咬落去「卜」一聲的, 味道極鮮亦帶甜(而非死鹹), 好好食!
- 海膽軍艦: 我0既至愛, 又係勁鮮甜, 入口即溶, 十足食雪糕一樣, 勁正!
- 左口魚: 又係好新鮮, 魚味濃郁, 唔錯唔錯.
- 池魚: 肉質帶爽, 配上少少薑茸及蔥, 幾好食.
- 油甘魚: 味道鮮, 口感豐潤, 好食!
- 半肥toro: 咁多款魚呢個最正, 入口即溶, 而且好甜, 食到大家呱呱叫!
- Baby toro: 魚味濃, 食落同普通吞拿魚差不多, 唔係咁特別, 亦被半肥toro 比下去了.
- 瘦吞拿卷: 又係淪為配角, 無乜特別.
仲有杯咖啡, 意想不到地香滑, 掂!
朋友們揀了紅豆(亦可選檸檬或綠茶) 雪糕, 個樣好靚, 佢0地亦話好好食.
鋪內好細, 無壽司廣0既靚裝修, 仲間中有小昆蟲飛來飛去, 雖然有d 困擾, 不過真係非常日本feel (師傅係日本人, 勁nice!); 雖然waitress 們無乜笑容, 但非常attentive 亦有求必應, 服務貼心, 值得一讚.
埋單連加一每人約$190, 同上次壽司廣差不多, 但我0地3 個一致覺得呢度食物比壽司廣更好, 絕對值得試試! 一定會再0黎食, 不過晚市價位咁嚇人, 睇0黎只限於lunch 了.
P.S. 朋友J, 我寫0左食評喇, 你睇0左未呀? =P
張貼
