八王子居酒屋 (已結業)

題外話/補充資料： 不當的推銷手法： 係點野食的時候，我先叫左一個凍食“螢光魷魚”（$45）和一客“壽司拼盤”（$260）。之後我問店老闆有咩小食好介紹，佢一口氣講左好幾樣推介。最後我揀左一道個餐牌上無的“關東煮加螺片”（老闆叫）的所謂“小食”。賣單的時候先發現原來個道“關東煮加螺片”的“小食”盛惠（$468）。我記得個餐牌上最貴的“刺身拼盤”都只係($580)到，個幾塊螺片味道唔好之餘重要貴得如此不合理！ 雖然我無問及該推介的價錢，我覺得個老闆係推銷食物的時候有“責任”提醒番客人該食物的售價，特別係“餐牌無列明”、加上“成本餐牌9成野食都係($100-$200)到”，而老闆呢個“小食”推介卻要成($500),相當於成盤刺身的價錢！ 最重要的係當我賣單同佢投訴的時候，佢的態度極差，重講“食日本野（$500）已經算平”、“我都無迫你食”等的說話，完全無誠意去照顧客人的感受！ 咁差服務質素的餐廳就算食物幾好（我食個3樣都係貴夾唔好食），都唔會令客人滿意，遊客有同樣經歷的話絕對令香港蒙羞。 總結係食物質素平庸，價錢太高，服務質素超差！ 剛睇到前幾個的評論都係投訴此店的服務質素，希望有興趣試食的朋友加以警惕。