影片
更多
2018-10-04
1085 瀏覽
星期六因為有嘢做所以一早出咗街,稍微行遠少少去咗間未去過嘅茶餐廳.室內少少暗,可能想造成好似西餐廳咁嘅感覺.一入到去二話不說侍應已經畀咗碗湯我,係南瓜湯,甜甜地味道唔錯,但係稀咗少少.裏面有幾粒我估係原本係炸麵包,但係因為浸到淋曬已經韌韌地.午市似乎只有7種菜式選擇,另外仲可以各自配搭飯,面或者薯菜.到達嘅時候差唔多11:50,面空蕩蕩,只得2個侍應.客人同侍應大大聲咁樣用非普通話既中文傾計,空間唔大加上回音都幾騷擾.後來聽佢叫入廚房既對話,先至發現包括客人在內,全部都係一家人一家人,既然係家庭餐廳/生意,嘈吵啲都變得可以接受啦,只係仍唔太配合懶係西餐廳既格局啫.飯少少硬,但個汁唔錯喎,感覺係磨菇汁,幾香濃.雞扒薄薄地但係大塊,煎得啱啱好,雖然肉汁唔多,但總算少少嫩.餐廳有供應紅豆冰,經過某次教訓,我問咗有粗飲管先落單,嚟既果然係比一般“粗少少“既管.其實要粗飲管既用途係可以吸埋紅豆,既然吸唔到紅豆,“幼”或者“粗少少”既飲管又有咩唔同呢…真係希望有珍珠奶茶嗰種飲管. 紅豆都係煲唔透而且本身都唔甜,冰未溶既時候杯紅豆冰已經好淡,食完飲再飲差唔多變成紅豆加水.好彩紅豆唔透之剩都唔會好硬,
室內少少暗,可能想造成好似西餐廳咁嘅感覺.
一入到去二話不說侍應已經畀咗碗湯我,係南瓜湯,甜甜地味道唔錯,但係稀咗少少.裏面有幾粒我估係原本係炸麵包,但係因為浸到淋曬已經韌韌地.
午市似乎只有7種菜式選擇,另外仲可以各自配搭飯,面或者薯菜.
到達嘅時候差唔多11:50,面空蕩蕩,只得2個侍應.客人同侍應大大聲咁樣用非普通話既中文傾計,空間唔大加上回音都幾騷擾.後來聽佢叫入廚房既對話,先至發現包括客人在內,全部都係一家人一家人,既然係家庭餐廳/生意,嘈吵啲都變得可以接受啦,只係仍唔太配合懶係西餐廳既格局啫.
飯少少硬,但個汁唔錯喎,感覺係磨菇汁,幾香濃.雞扒薄薄地但係大塊,煎得啱啱好,雖然肉汁唔多,但總算少少嫩.
餐廳有供應紅豆冰,經過某次教訓,我問咗有粗飲管先落單,嚟既果然係比一般“粗少少“既管.其實要粗飲管既用途係可以吸埋紅豆,既然吸唔到紅豆,“幼”或者“粗少少”既飲管又有咩唔同呢…真係希望有珍珠奶茶嗰種飲管. 紅豆都係煲唔透而且本身都唔甜,冰未溶既時候杯紅豆冰已經好淡,食完飲再飲差唔多變成紅豆加水.好彩紅豆唔透之剩都唔會好硬,就咁食都還可以.最近中伏嘅紅豆冰真係唔少.
順帶一提服務係唔錯而且好有禮貌,又一次證明大聲唔等於冇禮貌.
張貼
