龍城冰室

營業中

休息中

黎咗呢間好多次，不過第一次寫食評比佢。本身諗住過嚟食大火焗豬扒飯，見lunch set都有想食嘅嘢就慳返幾蚊啦🤭咖哩牛筋腩飯，比想像中好。本身對茶餐廳牛腩不敢要求，點知呢個ok喎，腩同筋都炆得夠淋又入味，都清走晒啲雪味，可能我好彩，成碟大部分腩係半肥瘦，得一舊係全瘦柴皮腩。要彈下個汁同薯仔，薯仔炆得不夠淋，個汁就不夠香濃又比較水。講真，炆得牛筋嘅汁一定杰身，咁水應該係炆好啲筋腩先放落咖哩度。不過整體真係ok，茶記牛腩算好好了。