友利坊 x 友利冰室 x 勿當奴 (已結業)

以為係新茶餐廳去睇下, 原來個菜單都好吸引, 一家三口叫左一個二人餐+黑松露帶子西蘭花, 好食！個餐美中不足係無乜菜, 個二人餐有個豬斧頭扒,但唔記得影, 個蘋果醬和黑醋係好夾, 但只有少少菜，只好額外叫多一個蔬菜。個二人餐仲有2個飲品, 我要左一枝凍奶茶: 茶香奶滑, 唔會好似維X盒裝個D甜到死。 老公要左枝羅漢果茶, 唔係太甜, 佢話仲濃味過奶茶,真材實料。