居食屋「和民」 (已搬遷) 新店位置

媽媽生日，原本安排了一頓豐富的中菜給她，怎料她竟然出奇地提議去和民食，我們當然讚成。當晚我先叫妹妹去搵位，放工我就立即趕去。主角點菜，要魷魚燒、鐵板棒餃子、燒鮭魚壽司、炒烏冬、牛肉露筍和豬骨湯拉麵。食物幾好，魷魚燒幾爽口，燒鮭魚壽司幾特別，豬骨拉麵湯底夠濃，麵也不錯。炒烏冬和牛肉露筍更加抵讚，可惜份量小了一點。最差的則是棒餃子，燒得過火，下次唔會再叫。吃過咸點，唔多夠喉。於是我和妹妹都要一個巴菲，佢要栗子而我要草莓。雪糕煙煙韌韌，加上有些粟米片，好滿意。未食之前，心想這都會是一間多人但食物一般的餐廳，但事實確比想像中好。