慕茶 (已搬遷) 新店位置

一心同朋友聚會，見這裡評語不錯就去試下～由於我自少便見慣工廠大廈D格局，所以我就冇咩野，但朋友未去過工廠地方，所以搵間野期間有些怕。一入到去冇想像中咁靚，不過環境氣氛唔錯。因為早到，我地可以選位置坐。我地點左小食拼盤、慕茶全日早餐、唔記得咩既意粉同埋兩款飲品。黎左野飲先～朋友叫了熱玄米奶綠(好似係咁叫)，佢覺得唔好飲，個味好怪～咁我叫左熱伯爵茶朱古力，我完全覺得伯爵茶同朱古力好唔夾，個味超怪，我完全覺得難飲。之後，我好奇試下佢杯玄米奶綠，我反而覺得佢個杯好飲呀～咁佢又好奇我杯野飲，都試左啖，佢就同我講，佢突然覺得佢自己杯野飲好飲。。。。我希望店主可以改善下。。。。杯熱伯爵茶朱古力。。。（我感覺似飲緊洗潔精）D水係自助~可自由去攞杯黎飲慕茶全日早餐，外觀好靚，以下味道感覺：太陽蛋煎得唔錯，好食（好難唔好食）蛋隔離果個唔知咩黎，切極都切唔開。。。最後切到爛晒先切到，外皮似炸饅頭，口感硬。入面d牛肉好un，尼個唔好食。窩夫包住腸仔，口感怪味道唔夾。整體外觀靚，味道不算好食又未至於難食。不過下次唔會再選佢，試過1次就夠了。小食拼盤，以為份量唔多，但黎到又算多呀～ 尼個值得推介。薯角OK；腸OK