27 Kebab House Turkish Restaurant (荷李活道)

營業中

休息中

夜晚去完派對散場經過這裡食宵夜，店仔細細有幾張櫈，見在場都有不少食客幫襯，感覺良好決定一試。來自土耳其的Kebab烤肉串，以旋轉式燒烤肉，燒好後把肉用刨機削下成肉片再將肉片煎炒，最後加上配料。仲有三款醬汁可加 (酸忌廉丶香草和辣醬)，食得更滋味。雜錦轉燒烤肉配薯條 Mixed doner $80土耳其式轉燒牛肉及雞肉片，配以新鮮沙律及薯條。牛肉薄身香料十足好惹味，而且口感夾脆，雞肉質嫩有肉汁，肉和沙律分量各佔一半，沙律有生菜絲、紅蘿蔔絲、紫洋蔥絲和蕃茄，撈埋肉食口感豐富，仲有埋薯條加起來份量唔少，面層淋左酸忌廉醬食得滋味，經過食下都唔錯。