十三姨 (通菜街)

營業中

休息中

雖然朋友話麻麻地，不過我都係想試過先判斷佢伏唔伏，期待咗好耐，今日終於去食喇！未開門已經有差唔多10個人係到排隊，大部分都係內地同胞黎。入到去都算多位，一開頭會免費上碟蝦片比你，請不要懷疑，已經係成餐最好味嘅嘢😋見個蝦片咁好味道令我對個飯期待更升一層樓，等左冇耐，就上咗嘢飲同個飯。個賣相都ok，好似幾惹味，打完卡之後就撈撈撈個飯開始食。咬咗一啖個鵝肝，苦苦地？一開始懷疑係我飲完杯野再食嘅問題，不過食到最後依然係苦的🫰🏻另外就係，個xo醬唔夠惹味，成個飯撈完都係唔夠味咁，非常普通，甚至可以話係難食。成餐飯體驗欠佳，食得好辛苦，個鵝肝好油膩，成個飯都偏漏，個份量都算幾多，最後都係食唔晒。最扣分嘅位係嗰後生仔店員冇啦啦走出門口食煙，全部煙味攻晒入黎，勁臭，聞到就勁唔開胃，飯都唔想食🤢真心用呢個價錢可以食到更好味嘅野，呢間真係可一不可再。