魚鮮生刺身專門店 (已結業)

每次經過登龍街，都探頭睇吓呢間嘢，想搵日黎試。咁啱今日想食壽司，就特登搭車黎呢間。一入去無乜人，都明嘅，咁嘅時勢，都會放棄連鎖想幫襯吓小鋪。點知佢俾我坐面壁嘅單人位，連埋其他單人，咁我諗：都唔滿，可唔可以俾客人食得舒服啲呢？算了。先叫魚生，生蠔$38/隻，蝦$48，價錢正常，點知黎到，生蠔似開咗一段時間，無晒水，邊開始乾，沾到雪；蝦無尾，蝦頭插入雪，心諗死梗啦，細菌度一定爆標，食落當然好乾無晒海鮮味。硬著頭皮叫壽司，點知，壽司極細粒（$20兩件又可求什麼），無乜味，未食完就打呢篇評論，莫講食物，服務上，客人食完自己加緊水已趕快收碟，一人一壺水又同其他客人分享，好無癮，侍應們之間狂打牙較，感受同食元気差唔多。結論係：不用再來。