回味館 (已結業)

早前看到有人寫這間的食評，感覺幾好，但一直也沒有空來一試，早幾日便終於有空來試試了。因唔算太餓，所以只叫了兩個小菜加一支啤酒。小菜叫了鹽燒羊架和金蠔肉碎生菜包。鹽燒羊架- 肉質煮得很入味，羊肉唔算羶，又很有口感，好在煮得又唔會韌；一邊飲酒，一邊食羊肉，又真係幾唔錯喎。金蠔肉碎生菜包- 生菜明顯是細心選擇過的，完全沒有爛又整齊，非常；包括有肉碎、蠔豉粒、馬蹄、冬菰粒和米通，因有馬蹄和米通，令口感增加了不少爽口和脆口的感覺，味道煮得幾好，可惜唔多夠熱，再加上用凍的生菜包起來一起食，感覺就凍上加凍，但如淨食，又感覺比較上油。侍應很熱心招呼我們，還不停介紹給我們有什麼出色的菜式。價錢平，食物幾好，可以考慮再來試試，其它的菜式。