影片
更多
2023-01-02
741 瀏覽
趁住隊友清大假去食一次試下，睇落裝潢係同店名貼題，實驗室帶點cyber feel咁，另有綠色植物點綴，座位都算多都幾闊落。當晚係平日夜晚7點入座，店舖已經坐咗大半班人，好多都係5至6個以上一班咁去食 👀限時90分鐘，感覺就有d趕 😅2個人去食都ok嘅，如果成大班去食就...大家講少幾句，食啦 😂😂😂放題跟大路嘅，分級：A) Premium Set $358 ⬅️ 提供SRF 美國和牛系列 及包括 Set B及C 之所有食材選項B) Supreme Set $298 ⬅️ 提供美國安格斯牛肉系列 及包括 Set C 之所有食材選項C) Selected Set $258 ⬅️ 只提供豬肉、雞肉及雜菜/野菌類⚠️ 因為只限時90分鐘用餐，所以未入座喺門口度就需要決定選擇食邊個set，我哋最後揀咗 Supreme Set，其實已經好夠，食到你眼突肚又突 👀首先店舖會先送嚟2大碟精選牛肉俾你🤩：🥩 韓式梨汁牛五花肉初頭睇以為係豬五花 😂 食落好嫰口又滑 😋👍🐂 安格斯牛肉拼盤有：牛板腱、一口牛粒、厚切牛舌、韓式燒汁牛排、英國特選牛仔骨等 🤤真係唔可以睇賣相，食落口又唔錯！肉類好juicy，冇筋，牛仔骨
當晚係平日夜晚7點入座，店舖已經坐咗大半班人，好多都係5至6個以上一班咁去食 👀
限時90分鐘，感覺就有d趕 😅
2個人去食都ok嘅，如果成大班去食就...大家講少幾句，食啦 😂😂😂
放題跟大路嘅，分級：
A) Premium Set $358 ⬅️ 提供SRF 美國和牛系列 及包括 Set B及C 之所有食材選項
B) Supreme Set $298 ⬅️ 提供美國安格斯牛肉系列 及包括 Set C 之所有食材選項
C) Selected Set $258 ⬅️ 只提供豬肉、雞肉及雜菜/野菌類
⚠️ 因為只限時90分鐘用餐，所以未入座喺門口度就需要決定選擇食邊個set，我哋最後揀咗 Supreme Set，其實已經好夠，食到你眼突肚又突 👀
首先店舖會先送嚟2大碟精選牛肉俾你🤩：
🥩 韓式梨汁牛五花肉
初頭睇以為係豬五花 😂 食落好嫰口又滑 😋👍
🐂 安格斯牛肉拼盤
有：牛板腱、一口牛粒、厚切牛舌、韓式燒汁牛排、英國特選牛仔骨等 🤤
真係唔可以睇賣相，食落口又唔錯！肉類好juicy，冇筋，牛仔骨都好易去骨果隻👍
睇見都流口水唔想等喇，快d食！🔥
試咗呢2碟頭round，如果唔夠喉可以再encore嘅👍 我地當然愈戰愈勇啦 😆😁
除咗牛牛之外，我哋都試咗豬肉同雞肉，都一樣咁好味 😀
特別推介豬頸肉同青檸雞扒！豬頸肉超滑漏，叫4塊已經叫少 😆 青檸雞扒食落幾清新開胃，雞皮冇乜脂肪架！燒埋佢嚟食都唔覺罪惡嘅 🤪
仲有海鮮梗係唔可以叫漏！😁
雖然海鮮選擇不算多，因為呢度主打始終係肉類，但 Supreme Set 都可以叫廣島蠔同蜆啊 🤩🥳
最基本嘅 Selected Set 都有蝦同魷魚可以叫！😄
燒野菜類嘅話可以唔駛QR code 落單，可以直接去自助bar任你夾又得！
自助bar仲有韓式前菜、沙律同炸物，炸雞比我想像中好味！😳 仲有沙律一定係必食！食少少試下啦！我本來真係諗住試兩啖，點知佢送肉食係好正！！😍
沙律完全唔係hea整架！唔會係醬多過料，有勁多蟹柳蟹籽又雜菜紫椰菜都出埋嚟！🥗
我本來想叫白飯送肉都唔記得咗了 🤣
最後講埋嘢飲，嘢飲都比我想像中好飲，同埋好大杯！😮 我好辛苦先飲得哂一杯，但我隊友好似去完沙漠咁，飲到2杯 😂 勁 👍
叫咗：菠蘿梳打同熱情果梳打 🍹
兩杯都唔係藥水味，又唔會太甜 👍滿意 ❤️
整體嚟講，因為只得90分鐘時限，呢度比較適合2至4人去食會好d 🤔
價錢方面真係幾抵 三百零蚊都食到咁多款嘢食 👍😃
同埋我哋發現佢係無煙燒烤！走咗之後都唔覺個身有油煙味 👍💯
嘢食亦出奇地唔錯呢，可以再去 😄
張貼
