嫲嫲辣辣 (福榮街) (已結業)

朋友介紹已經一段時間，話佢地個海鮮鍋好正好新鮮，終於經開深水埗就試下啦！坐得迫唔在講，成間鋪主要都係操國語既女人，伙計同食客都係。好鍾意叫d二人台轉位去俾三/四人，好彩無叫太多，唔係張台擺都唔夠位擺。叫左個中辣既香辣大蜆肥腸鍋，個豬大腸炸到脆一脆，不過蜆就間唔中有一兩隻有少少沙，尚可接受，味道講真一d香辣味都無，雖然好似好多辣椒，但去大排擋叫個鼓椒炒蜆都仲惹味d！辣度：1/2隻🌶個口水雞無得揀辣，話係招牌咩祖傳紅油呀⋯⋯要係咁點個油先有少少麻辣味，但個雞肉唔梅，算係中上。辣度：🌶利申：本人嗜辣但唔算食得辣（譚仔麻辣二小🌶，最盡小辣），志願係挑戰特特多麻！仲以為佢會好辣，點知完全冇料到，等我仲一早叫定支鴻福堂盛惠$16 ，但其實成餐飯食完我一啖都冇飲過，去對面U購買應該都係$6！後記：何謂沙圈，相信過開大海既師兄一定唔會陌生，入去呢間餐廳坐低你就會知道我講嘅係咩感覺，我未去過東莞，唔知係咪都係咁樣。隔離枱上演嘅情慾對話，10分花生🥜，仲有對面枱兩女一男，娛樂性極高。不過我就一般，對住呢啲質素， sorry應該冇下次！Closerice。