紅花會 (已搬遷) 新店位置

同好友突然想吃酸辣的料理，去到灣仔呢間「紅花會」食四川菜。首先環境非常乾淨，有中國風設計。服務員禮貌超好，唔係一個半個服務員好，係全部serve過我們枱的也好有禮貌。（佢真係做到今時今日咁好嘅服務態度😂👍）食物方面我哋order左二人午餐,每位$298。前菜有三款選擇，分別係胡麻白肉茄子，蓮藕片及三椒蹄花肉。前菜已經好開胃，尤其蓮藕片十分爽口。最想稱讚係黃菊酸菜水煮桂花魚，魚肉好滑，湯底濃郁😊。豬手煲，亦都一流，入味又唔韌。其實食到去豬手呢味餸菜我哋已經好飽，但四季豆及麻辣海鮮飯都好好味，最後都係清哂。最後食埋個甜品蓮子桂花糕，味道中規中矩😊總括來說，非常滿足的一餐。