香江冰室 (已結業)

睇之前啲食評好似水準不俗，見咁近屋企一於試下，飲品奶茶、咖啡，鴛鴦都正常茶餐廳水準，其他食物全部都麻麻，但以$80任食都叫ok嘅。 呢個羅宋湯同之前食評果啲落差極大，幾乎逢湯都啱嘅我都冇encore，稀，冇味。 海南雞只有薑蓉並冇甜豉油及甜酸汁。 咖哩魚柳，咖喱汁稀淡，魚柳乾硬扁。 西多士自動少糖漿少花生醬...好似幾乎冇咁 春卷正常，但冇喼汁或沙律醬相佐。 咖哩牛腩唯一讚嘅，汁比咖哩魚柳濃杰，牛腩軟硬適中，同埋比啲部位都正常。 瑞士汁雞翼及雞脾都醃得唔入味，雞脾仲鞋肉添。