北海道牧場餐廳 (已結業)

去親北海道食佢個特餐都好似一陣風咁，今日發現左一種抵食法。外賣叫左個芝士午餐肉$23，另加左叉燒、炒蛋配料，每款加$4，$31就可以食到四個餸的三文治，自己咁樣配搭抵食過$42 果款牧場三文治午餐時間比較多人，等左十分鐘先出到餐。用紙盒包裝好，大大份，連盒都蓋唔實，要用橡筋紮住拎到上office，仲夠熱，有驚喜！實物比相仲吸引麵包係厚包，一拎起份三明治，芝士就好似沙律醬咁溶化，正！雖然成份三文治有個紙盒咁厚，但拎起手好整齊，唔會跌左d配料出黎，呢個真係要讚下！蛋就無叫三寸蛋，係普通炒蛋，都好夠份量了午餐肉 竟然係厚切！有驚喜仲有叉燒，三文治都有三四舊，仲唔係抵食過特餐個意粉？！$31 一份咁的三文治貴唔貴就真係見人見智，但至少覺得飽過$42特餐，又大份過、新鮮過平時d 凍冰冰三文治不過都係果句，北海道牧場已經被我剔除心水之選，雖然今次有驚喜, 但整體黎講，呢間野都係唔抵食，sell 包裝