影片
更多
2018-08-28
1175 瀏覽
好多年前，成日同屋企人嚟印尼餐廳食野，好似有d新鮮感，無咁悶。嗰時多數都係午市嚟，叫兩份set lunch，好多碟細細碟，睇得又食得。 食飽再買幾件糕返去做小食。今日係朋友約食飯，忽然諗起呢一間舊式餐廳。裝修同侍應衣著都無轉變過，燈光依然都係暗暗地。唔係好有印象當晚有無播音樂。餐廳座位係舒適嘅，枱與枱之間唔會迫到好近，唔怕聽埋隔離位講咩話題哈哈。位就有有4人卡座、多人半圓梳化、多變的二人桌組合。搞笑嘅係得部分枱有枱布！唔知點解呢！由於只得兩人食飯，朋友又不習慣晚上吃得太飽，禮貌上詢問店員可否只叫一份一人餐，另加一碟炒菜。她友善地表示可以，態度又不會過分有禮。最怕過份熱情體貼的服務。珍多冰 一看就覺得這杯珍多冰超懷舊。足料所以飲得幾啖就得返d料，要「不」出嚟食，始終隻杯都幾細。而味道唔係太fresh，飲落又無乜冰冰涼涼嘅感覺。整體屬於一般。「二人餐」因爲掛住食野傾計，就無相機食先。餐牌寫住有十幾款食物（白飯也算其中一樣）。來到有蝦片、雜菜、串燒、肉類、花生等等。食落就真的失望了🙍🏻。蝦片唔脆。雜菜就是椰菜個類，還好醬汁都拯回少少分數。巴東牛肉肉質好鞋，咬落唔鬆軟，雖然都入味，但就少咗陣香
今日係朋友約食飯，忽然諗起呢一間舊式餐廳。裝修同侍應衣著都無轉變過，燈光依然都係暗暗地。唔係好有印象當晚有無播音樂。餐廳座位係舒適嘅，枱與枱之間唔會迫到好近，唔怕聽埋隔離位講咩話題哈哈。位就有有4人卡座、多人半圓梳化、多變的二人桌組合。搞笑嘅係得部分枱有枱布！唔知點解呢！
由於只得兩人食飯，朋友又不習慣晚上吃得太飽，禮貌上詢問店員可否只叫一份一人餐，另加一碟炒菜。她友善地表示可以，態度又不會過分有禮。最怕過份熱情體貼的服務。
珍多冰
20 瀏覽
0 讚好
0 留言
珍多冰
一看就覺得這杯珍多冰超懷舊。足料所以飲得幾啖就得返d料，要「不」出嚟食，始終隻杯都幾細。而味道唔係太fresh，飲落又無乜冰冰涼涼嘅感覺。整體屬於一般。
「二人餐」因爲掛住食野傾計，就無相機食先。餐牌寫住有十幾款食物（白飯也算其中一樣）。來到有蝦片、雜菜、串燒、肉類、花生等等。
食落就真的失望了🙍🏻。蝦片唔脆。雜菜就是椰菜個類，還好醬汁都拯回少少分數。巴東牛肉肉質好鞋，咬落唔鬆軟，雖然都入味，但就少咗陣香辣嘅味道。有一碟分開一格格的，中間擺放一舊肉，唔知道係咩，味道又十分奇怪。然後，半隻炸雞蛋又佔了一格，為之一樣餸。花生又佔了一格。朋友就覺得奇怪，因為花生多數都屬前菜，但同肉放埋一碟，又令到我地好混亂⋯⋯食完感覺不如佢只有3-4樣食物，但每碟份量都大返少少，好食返少少。
唯一一樣我仲係好滿意嘅就係炒通菜，仲有少少細蝦仁係入面。好似食泰國餐咁，炒通菜多數都出色。
最後有個甜品，店員見我地食完傾到差唔多就送埋上嚟。西米太散唔夠實，仲太淋身。自己整仲好食。
如果想試試印尼餐的朋友，建議不要晚上來，吃午餐比較實在。
張貼
