都市空間 (已結業)

我相信絕大部份嚟 Urban Space 幫襯嘅顧客「醉翁之意不在酒」，吃喝係其次，嚟 hea 嚟 chill 先係主菜。小店近門位置係書店，睇啱邊本，畀完錢，就可以返埋位慢慢睇；睇唔啱，店入面仲有另一個書櫃，有少量書籍可供客人免費閱讀。下午茶時間，叫份自家製原味窩夫，上枱時，賣相衝擊咗我對窩夫一貫嘅印象：呢個窩夫一邊較厚一邊較薄，中間嘅格仔更加係空心，感覺唔太實在😂。味道方面，麵粉味較重，雞蛋味唔太突出，口感亦較硬淨。窩夫嘅味道就靠淋喺上面嘅朱古力醬，煉奶同杏仁片搭夠。叫多杯 latte，非常住家式嘅賣相：可愛嘅咖啡 mug + 冇拉花嘅簡樸咖啡，味道唔算濃，整體合格。