BRICK LANE Deli (已結業)

lunchtime 呢度比較悠閒 唔洗搭枱肉醬意粉本身應該係穩陣嘅選擇，但可惜佢嘅意粉有啲煮過龍，太爛，肉醬都一般般已而。唯獨芝士嘅份量補救返醬汁嘅不足！但係整體來講仍有待改善。～呢個茄汁海鮮意粉本來味道幾香，但係醬汁方面茄汁太多太稀有啲水，海鮮質素尚算正常但係意粉仍然煮得有點過龍。手製巴馬火腿pizza配上火箭菜，十分搶眼，味道亦都非常出色。充滿淡淡的煙熏味，薄餅底香脆可口可以中和配個巴馬火腿嘅肥膏，但可惜嘅係份量有點細令人意猶未盡。忌廉粟米湯質素都只係一般般，有d似鑵頭，但見佢係跟餐所以唔怪佢。至於個綠茶蛋糕就令人有點失望，睇落去係幾靚。但係食落去就會發覺佢嘅綠茶調味有啲苦劫，同淡淡嘅忌廉味道有點不配合，令人食兩啖就唔想再食晒佢。