金牌小龍 (已結業)

三人行，滿有期待的打算去食上海小籠包，見到門口推介一個叫做爆汁牛肉包，結果真係非常之失望。因為佢個包的外皮好厚，而個肉餡就普通啦，不過的而且確係好多汁嘅，但係個皮真係太厚就唔係太好食。比起唯一面家的煎飽，唯一仲好食，仲平。另外我們叫了一碟「蒜泥白肉」，同樣佢嘅肉切得好厚身，而且肉好「乾/鞋」，沒有應有的水準。也叫了一件似五香牛肉嘅前菜，問題都是一樣，厚而且肉質都乾。跟住到期待已久的小籠包啦！點知，，，個皮不夠薄，湯汁都收晒，沒有小籠包應有的湯在內面。我們都點了一個韮皇鍋貼，這個便比較正常。炒西蘭花都正常。我哋又食了一個炒面，來到是上海面（似烏冬），個面li, 只係好淡，沒咩調味。整體而言，我哋都覺得好失望。