影片
更多
2011-07-18
222 瀏覽
想揾一間好D 嘅中菜請老師食生日飯, 問過好多人, 有朋友介紹話佢公司樓下有間中菜食午飯好鬼多人,要訂枱先有位, 好似好好食咁。心唸應該都唔平, 不過喺得中環地區質素都應該有返咁上下。所以就問左個电話打去睇睇乜料先。 問完又覺得OK喎! 就膽粗粗去試吓先!!! 訂左枱一行7人去到, 唔使等就有位, 之前問佢想要間房佢都比我, 心唸又幾好喎! 上次試過喺第2間食市,死都唔比間房我, 話我小人數, 唔肯比我。 首先頭盆："桂花西紅柿", 我老師話好好食,好清新嘅感覺,我都幾鍾意,下次有機會都想再食, 佢地話係新菜式喎! 原來西紅柿係蕃茄黎嫁,又學多樣嘢! 前菜仲有 青瓜 同埋 冰鎮露荀, 青瓜都OK, 但係露荀就真係麻麻地,話冰鎮但係又唔夠凍,凍D就好喇。 個朋友叫我一定要試吓個"蜜汁义燒", 佢話好出名, 所以叫左黎食, 又真係幾好食喎! 好"林"好多汁又唔係好肥。 跟住係個"海底椰嚮螺燉瘦肉湯", 個湯都幾濃味,分完7個人之後仲可以再添幾碗, 海底椰同嚮螺都幾足料, 仲諗住佢會偷功減料添!不過D瘦肉就真係麻麻地,唔得好食囉!
想揾一間好D 嘅中菜請老師食生日飯, 問過好多人, 有朋友介紹話佢公司樓下有間中菜食午飯好鬼多人,要訂枱先有位,
好似好好食咁。心唸應該都唔平, 不過喺得中環地區質素都應該有返咁上下。所以就問左個电話打去睇睇乜料先。
問完又覺得OK喎! 就膽粗粗去試吓先!!!
訂左枱一行7人去到, 唔使等就有位, 之前問佢想要間房佢都比我, 心唸又幾好喎! 上次試過喺第2間食市,死都唔比間房我,
話我小人數, 唔肯比我。
首先頭盆："桂花西紅柿", 我老師話好好食,好清新嘅感覺,我都幾鍾意,下次有機會都想再食, 佢地話係新菜式喎!
原來西紅柿係蕃茄黎嫁,又學多樣嘢!
前菜仲有 青瓜 同埋 冰鎮露荀, 青瓜都OK, 但係露荀就真係麻麻地,話冰鎮但係又唔夠凍,凍D就好喇。
個朋友叫我一定要試吓個"蜜汁义燒", 佢話好出名, 所以叫左黎食, 又真係幾好食喎! 好"林"好多汁又唔係好肥。
跟住係個"海底椰嚮螺燉瘦肉湯", 個湯都幾濃味,分完7個人之後仲可以再添幾碗, 海底椰同嚮螺都幾足料,
仲諗住佢會偷功減料添!不過D瘦肉就真係麻麻地,唔得好食囉!
我覺得最好食就係"滑豆腐花原條東星斑", 條魚同埋豆腐花好滑好好食,不過D "硯"汁就多左少少, 小番D 就好喇。
"宮廷富貴雞"上枱個賣相都幾得意, 用錫紙包往成隻雞, 比我地睇完後就有待應拆開佢, 三兩吓手就分得好碎,
雞入面讓左其食材落去,不過唔記得係乜鬼黎,都OK好食。
之後仲有"魚湯翡翠苗"(個湯幾清,菜都OK!) "素粉果"(普通左D!), "蛋散"(好脆,好鬆化),
"西瓜波波爽"(略嫌甜左D,不過有小小驚喜係,有一粒粒桂花糕喺入面,好食ar!)
總括黎講都幾好食,我老師同埋D同學都好滿意,話下次攪慶功宴都可以考慮黎"翠亨邨", 好彩佢地話滿意,做攪手都好大壓力嫁,
周圍揾地方食飯, 好彩冇黎錯地方,呵呵呵!!!
我哋7個人 圍起上黎唔計請老師每人$300.-蚊倒, 我覺得都好合理。
張貼
