影片
更多
2020-02-21
838 瀏覽
前幾日同朋友去左食紅橋，都有差不多一年無食過啦，因為印象中佢係旺角區嚟講又唔算貴，一百蚊內，加上味道都唔錯，同埋餐廳都叫幾好坐，所以就叫埋啲朋友去食啦。佢都係同之前一樣有幾個晚餐比你任揀，我就揀左黑松露忌廉汁海蝦帶子燴意粉，73蚊有前菜、湯加熱飲，其實都真係算唔錯，坐左一陣就已經上前菜，今次個前菜係青瓜絲蟹籽蟹柳沙律，分量唔算太多，大約幾口到，加上青瓜絲清清地，感覺唔錯，好味得來又唔會有飽肚感。好快就有湯啦，佢今日有中、西湯揀，中、西都係南瓜湯，我比較鍾意西式南瓜忌廉湯，所以我揀左西湯，湯就相對比較平庸，味道ok，但主角南瓜味唔算出。最後係主菜，份量都幾大份，的而且確我真係食唔晒，絕對唔係個種碟好大但份量好細份的餐廳，意粉都幾creamy，帶子同海蝦數量不少，但唔叫好特別，反而係個意粉比較好味，食到少少黑松露味。以下評分以5⭐️為滿分推介⭐️⭐️⭐️
佢都係同之前一樣有幾個晚餐比你任揀，我就揀左黑松露忌廉汁海蝦帶子燴意粉，73蚊有前菜、湯加熱飲，其實都真係算唔錯，坐左一陣就已經上前菜，今次個前菜係青瓜絲蟹籽蟹柳沙律，分量唔算太多，大約幾口到，加上青瓜絲清清地，感覺唔錯，好味得來又唔會有飽肚感。
好快就有湯啦，佢今日有中、西湯揀，中、西都係南瓜湯，我比較鍾意西式南瓜忌廉湯，所以我揀左西湯，湯就相對比較平庸，味道ok，但主角南瓜味唔算出。
最後係主菜，份量都幾大份，的而且確我真係食唔晒，絕對唔係個種碟好大但份量好細份的餐廳，意粉都幾creamy，帶子同海蝦數量不少，但唔叫好特別，反而係個意粉比較好味，食到少少黑松露味。
以下評分以5⭐️為滿分
推介⭐️⭐️⭐️
張貼
