形 (MPM文華商場)

營業中

休息中

因為突然間好想食串燒，見到呢間零負評又就腳就決定黎試下。同朋友打算先叫一Round先，所以是但點左啲，打算試左先，下一Round再叫。本來叫大辣，但店員話佢地係用魔鬼椒既粉，怕我地食唔到，就叫我地試一試中辣先，另外都有再俾多碟大辣粉我地，因為我地都比較食得辣，所以最後都係要加大辣粉。串燒味道偏淡，牛肉韌，茄子燒到好黑，有啲似係先炸再燒既感覺。野食其實都上得好慢， 仲有漏單既情況。但因為我同朋友都覺得唔好食就無再催單，對左單無計多錢就算數。環境方面，因為係有得唱K既，所以比較嘈。我諗呢到比較適合去飲酒多過食野。