影片
更多
2016-12-23
2051 瀏覽
做冬日，中國人不嬲有句冬大過年，過冬呀dee梗係同屋企食好野，今年做冬我地屋企話試下出去食，就訂左間係尖沙咀蒸氣火鍋。蒸氣火鍋、粥底打邊爐、九層海鮮塔應該算係近年打邊爐既演變，口味就冇咁重，但是對食物質量有要求，唔似平時港式個種，感覺都好似健康d。蒸氣火鍋就係一個鍋下面就放湯底，用個蒸隔，上面就擺食材，慢慢蒸熟佢，感覺健康d，又唔洗點控制個火，但是就食得耐d，由7點半食到11點。。。佢就係寶勒巷，樓下有代客泊車，隔離都有個停車場（成日full）收費就50蚊兩個鐘，泊車黎都算方便，始終尖沙咀夜晚只有黑的冇正常的士，sorry架架都唔截得。呢到最出名就係靚海鮮同埋健康湯底，一入到黎已經畀佢個海鮮位吸引住，除左打邊爐海鮮仲有師父整日本刺身，好中日融和呀:）白松露菌皇粥底湯底一開始要揀定，佢全部都係靚中藥健康野湯底，但是呢個湯底堅正，係真係好大陣松露味（就係shakeshake薯條味），佢會先將湯底擺底，再由佢上面打邊爐，吸晒海鮮精華，就變左個好好好好味既粥，但是由於個日炒散太多，個粥變到不倫不類，加左好多水，變左糊仔，晒左個粥...阿拉斯加長腳蟹（三食）海鮮阿拉斯加蟹係佢地招牌，因為做到三食
蒸氣火鍋、粥底打邊爐、九層海鮮塔應該算係近年打邊爐既演變，口味就冇咁重，但是對食物質量有要求，唔似平時港式個種，感覺都好似健康d。蒸氣火鍋就係一個鍋下面就放湯底，用個蒸隔，上面就擺食材，慢慢蒸熟佢，感覺健康d，又唔洗點控制個火，但是就食得耐d，由7點半食到11點。。。
佢就係寶勒巷，樓下有代客泊車，隔離都有個停車場（成日full）收費就50蚊兩個鐘，泊車黎都算方便，始終尖沙咀夜晚只有黑的冇正常的士，sorry架架都唔截得。
呢到最出名就係靚海鮮同埋健康湯底，一入到黎已經畀佢個海鮮位吸引住，除左打邊爐海鮮仲有師父整日本刺身，好中日融和呀:）
白松露菌皇粥底湯底一開始要揀定，佢全部都係靚中藥健康野湯底，但是呢個湯底堅正，係真係好大陣松露味（就係shakeshake薯條味），佢會先將湯底擺底，再由佢上面打邊爐，吸晒海鮮精華，就變左個好好好好味既粥，但是由於個日炒散太多，個粥變到不倫不類，加左好多水，變左糊仔，晒左個粥...
阿拉斯加長腳蟹（三食）海鮮阿拉斯加蟹係佢地招牌，因為做到三食，個日留左隻比較大既，但是隻隻都好生猛，佢三食:1. 蟹蓋會先蒸蛋，2. 凍食 3. 蒸完食。
三味都各有特色，自己就比較中意凍食，因為先食到個鮮味，加埋佢特製既醋，隻隻都幫你開晒，啖啖肉，真係好食！
支竹羊腩煲覺得羊腩煲同埋煲仔飯係冬天必食，因為食完真係由頭暖到落腳指尾，羊腩煲最怕兩樣野 1 太咸 2 羊肉散，呢個食打邊爐既，估唔到做羊腩都有板有眼，佢羊腩都好多舊，但是嫌每舊都好比較大，可以整細粒d。舊舊都煲到入晒味，同埋個湯又唔會太咸，羊肉又唔會un同唔蘇，屋企人平時唔食既，都忍唔住食左舊。
花竹蝦話明做冬梗係要食好d， 我都係第一次食咁大隻用蒸既蝦，賴尿蝦就食過。佢地好細心咁隻隻都用竹簽穿好，蒸五分鐘到就食得，不過一上台都要擺多陣先，因為真係好熱！同埋覺得支竹簽冇咩用，因為插得好實，蚊出黎都花左好多氣力。但是個蝦真係唔講得笑，蒸個時間掌握好好，太熟既話d肉就太淋，呢個就岩岩好，好有口感，好新鮮，肉質岩岩好！
雖然食物質素真係幾高，但是價錢都唔便宜，但是佢除左蒸氣火鍋都有其他野食。但是可能個日做冬，人手完全唔夠，d人唔識上菜，又將d食材就咁擺出黎，未食可以收落雪櫃，仲可以倒瀉野...服務真係有待改善
張貼
