疍家佬蒸氣石鍋專家 (已結業)

阿妹係美國返泥..話想試下食蒸氣火鍋..咁我就打泥訂左呢間..其實聽電話個阿姐都冇乜禮貌...問多兩句..好似好唔耐煩咁！果日都ok多人...個場好嘈...想靜靜地傾計都唔得..樓面又唔夠..坐左好耐...短髮個女經理先走埋泥同我地推介有咩海鮮..我地叫左d刺身、海鮮同手切肥牛...刺身都還可以...但海鮮個女經理幫我地蒸到過哂火！明明已經夠哂鐘..都冇人幫我地開蓋..只見樓面得2個...個女經理周圍同其他臺d客人飲酒..感覺好似去左夜總會咁...我覺得如果人手唔夠...可以一開始就教我地點樣去蒸野...最離譜就係...我地叫左6隻蟶子...個女經理收我地$2688...呢間野服務同食物都唔掂...冇下次！

做冬日，中國人不嬲有句冬大過年，過冬呀dee梗係同屋企食好野，今年做冬我地屋企話試下出去食，就訂左間係尖沙咀蒸氣火鍋。蒸氣火鍋、粥底打邊爐、九層海鮮塔應該算係近年打邊爐既演變，口味就冇咁重，但是對食物質量有要求，唔似平時港式個種，感覺都好似健康d。蒸氣火鍋就係一個鍋下面就放湯底，用個蒸隔，上面就擺食材，慢慢蒸熟佢，感覺健康d，又唔洗點控制個火，但是就食得耐d，由7點半食到11點。。。佢就係寶勒巷，樓下有代客泊車，隔離都有個停車場（成日full）收費就50蚊兩個鐘，泊車黎都算方便，始終尖沙咀夜晚只有黑的冇正常的士，sorry架架都唔截得。呢到最出名就係靚海鮮同埋健康湯底，一入到黎已經畀佢個海鮮位吸引住，除左打邊爐海鮮仲有師父整日本刺身，好中日融和呀:）白松露菌皇粥底湯底一開始要揀定，佢全部都係靚中藥健康野湯底，但是呢個湯底堅正，係真係好大陣松露味（就係shakeshake薯條味），佢會先將湯底擺底，再由佢上面打邊爐，吸晒海鮮精華，就變左個好好好好味既粥，但是由於個日炒散太多，個粥變到不倫不類，加左好多水，變左糊仔，晒左個粥...阿拉斯加長腳蟹（三食）海鮮阿拉斯加蟹係佢地招牌，因為做到三食

影得1張相既原因有以下幾個1. 味道差2. 服務一般3. 性價比低4. 勁多汁5. 牛肉得幾塊6. 似煮好一大煲有單就忽出黎7. 人手完全唔夠8. 漏單完！冇下次！

朋友邀請食飯聽蒸氣石鍋很久了終於嘗試到一開始可以先食刺身雖然出名蒸氣鍋但刺身都好新鮮食完刺身仲有2款熟食鮑魚+蛋白蒸蟹蓋蒸蟹蓋真心好味值得一試蟹膏又夠多😋最後每道海鮮吃完再煲粥個粥會吸左海鮮既汁令到成個粥都非常鮮甜三文魚，帶子，蝦，希靈魚，墨魚，北寄貝 象拔蟒海膽

中午和幾位同事一起到這裡午餐，待應嚴重不足，我們叫到口到乾，坐了10分鐘也沒人理會。終於等到有人來寫野，但勁慢，等了20分鐘也只有一個餐，遲我們來的也差不多吃完。中途有人竟然弄掉汽水在我身上，極之不小心。和待應們講，但他們自己也亂龍，之後竟然拎了一些我們沒叫的餐來。又再等多10分鐘才能享用午餐。最後連汽水也要吹單才上。以後也不想再來了!

大食會中大部份o既會員都未食過蒸鍋，睇到XO仔之前寫過o既蒸鍋食評及聽到親友們不斷o既讚賞，會長終於忍唔住，經多個星期明查暗訪後，決定組隊一試友人推介o既「疍家佬蒸氣石鍋專家」。位於萬事昌廣場一樓o既「疍家佬」離尖沙咀幾個地鐵站出口都唔遠，清一色居港o既會友都話地點方便，且唔難搵。商場望落可能係舊啲，不過佔用半層面積o既餐廳卻又裝修得好光鮮闊落 ，係細佬去過咁多間蒸鍋專門店中環境最高雅o既一家。大堂中央擺有大大小小o既圓枱散座，近窗一邊就排出一列四人卡位。天花用上竹造燈罩及漁網裝飾，盡顯「疍家佬」本色。 後方有個小漁場供食客揀選魚鮮。大小魚缸內有多種新鮮海產。亦有小池、冰陣展出貝類食材。牆上紙張道出可選之蒸煮配料。會長早於一星期前訂位，為一行九人留咗間靚房 ；私人空間足，又有專人服務，公用、自用餐具齊備，衛生又舒適。有別於小肥之前食過o既蒸鍋店，「疍家佬」並無續位計o既套餐提供 ，只有兩頁o既散叫單項及小漁場每日不同o既海鮮品種。此外，餐牌上清楚列明指定收費項目，包括醬料$18/位、茶錢$10/位、小食$10/份（每六人一份）及另收加一，其餘開瓶費及切餅費則為$50/樽及$5

一向超喜歡吃海鮮的我最近迷上了蒸氣鍋！！！早兩天一戰了疍家佬蒸氣石鍋專家，超好吃！有好多新鮮刺身，海鮮，仲有我最愛的蠔，有成隻手板咁大😍清蒸食特別正，啖啖肉。食之前有個9味架，有一款係佢地自家製既炸蒜頭，點黎食好鬼正。食完刺身、蜆、龍蝦仲有菇同糯米飯，跟住就可以食沾滿海鮮汁既豬骨菜粥，好入味，整個超滿足😋😋😋

老公想食蒸海鮮, 於是買了疍家佬蒸氣石鍋專家團購, 1人售 $368, 2人售 $724 , 由於一家三口, 便買了一個1人餐及1個2人餐。海龍豪傑餐  ( 每人  ) 1 隻北海道赤貝刺身半隻生蒸南非乳龍蝦1 隻金蒜銀絲蟶子4 隻生蒸滋味鑽石蜆1 隻薑蔥蒸美國桶蠔1 份鮮人參蒸滑雞件 / 6 粒白松露蜜蒸牛仔粒1 份梅菜肉碎蒸野菌1 份乾隆菜乾咸骨粥按優惠券價錢收取加一服務費 ($37 / $73 )另收取醬料費每位$18及小食費每碟$10(6人或以下1碟，7人2碟)今天到了蛋家佬, 這店舖正是以前漁屋的位置, 之前已來了數次光顧漁屋, 故此一點也不陌生。 蛋家佬的裝修與漁屋截然不同, 當然是現在比較好 , 枱與枱之間不會太擠迫, 裝修也較有品味 ! 女侍應前來告知今天無赤貝, 可以改吃三文魚。 吓 ! 我最想吃的就是赤貝呀 ! 三文魚唔鍾意 ! 後來她說可以改吃帶子, 那當然要帶子啦 ! 然後她又說無鑽石蜆, 改食番薯蜆 , 無辦法啦! 她問我們要雞件還是要牛仔粒, 我要求一份雞、兩份牛, 因為我唔食牛的, 爭持了很久, 連經理都強調話唔得, 因為要兩份起, 連講多句都費時。團購食

昨晚的在疍家佬吃的蒸氣火鍋！！！第一次嘗試這麼有趣的火鍋吃法~先是把粥米和豬骨放進蒸氣窩底，然後逐一把海鮮放上去蒸，一味一味地品賞新鮮的牛柳，貝類，龍蝦，豚肉，聖子，還有糯米飯！海鮮新鮮到切開還在扎扎跳，尤其龍蝦超多膏，全部原汁原味！當一層層吃完所有海鮮和肉類之後別忘了還有最底下的粥！粥一直放在最底下煲，吸收剛才所有海鮮的湯汁，吃起來超鮮美！ 非常推介！

今日去左試下疍家佬的蒸氣火鍋的海鮮大餐。所有海鮮非常生猛，蒸時前還在動，而且每次蒸的時間也十分快！健康好食又好玩，非常適合一家大細！介紹三個最愛海鮮給大家！1：生蒸游水海中蝦: 只需五分鐘，一碟鮮紅的海蝦就出現在你面前，口感彈牙，肉質鮮甜！ 2：蟲草花蒸大連鮑： 來自南非的新鮮飽魚，表面配上了蟲草花和秘製醬油，好食之餘而且十分滋保養顏！ 3：薑蔥蒸美國桶蠔：來自美國的桶蠔，加了薑蔥味道清香，口感鮮滑和非常多汁清甜。

買了新手機 下載返Open Rice突然想打食評 早前網上團購這家蒸氣火鍋的套餐$524二人餐 $1048四人餐 $1572六人餐 超級扺食套餐包括三文魚刺身 游水海中蝦 蟲草花鮑魚 番薯蜆 美國蠔 梅菜菜心 南瓜排骨粥 五寶丸或帶子餃第一道菜是三文魚刺身 三文魚超級肥美好味 之後就是 蟲草花蒸鮑魚 鮑魚還一直在動 好新鮮 這個配搭十分健康 第一次試這個配撘 吃了第二道菜就知道這次團購沒有被騙了 吃完鮑魚都是吃海鮮的 海蝦比我想像中大很多 也一樣是新鮮的 因為不斷地跳 應該這個是蒸氣火鍋的次序排先吃海鮮後吃菜或餃子 餃子是黑松露餃子 裏面的餃子大大粒 黑松露味超級香 最後再吃粥這個團購真的出乎意料之外 我估如果要單點的話這餐應該是人頭400-500的 但是今次半價就可以吃到 團購價錢再加一加醬料費用 不過也是值得的 因為每道菜服務員都會過來幫我們蒸 真的有讚冇彈 黑松露帶子餃 帶子好大粒 黑松露好香 看！ 鮑魚真的有動的

疍家佬係一間新開既餐廳，主打蒸氣石鍋，即係成個蚊香果啲😳。呢間食物質素非常不俗。以下係重點推介：疍家佬蒸氣石鍋專家 @#foodki尖沙咀#菌皇松露帶子餃 (8/10)($108)呢個餃子入面有松露🍄同埋帶子，係非常新鮮既配搭。foodki非常滿意🌝。餃子完完整整保留到松露香🌝，帶子非常有咬口，好食#本地手切肥牛 (7.5/10)(大$298/中$228)肥牛打邊爐無可能唔食😍，但呢到既手切肥牛以蒸既方式煮熟，感覺好新鮮，感覺唔會係平時打邊爐煮熟既感覺😙，而係更嫩滑😍，可能係蒸到本身既油脂爆曬出黎，唔錯啦。#日本大元貝 (7.5/10)($時價)平時多數係蒜蓉粉絲😂，呢到有更多選擇，例如黑蒜、金華火腿、碎元貝茸、黑松露。仲有橙皮tim..但唔建議叫橙皮☺，其他幾隻好食好多😛。帶子非常鮮甜好有口感好飽滿，好食耶。#白松露菌皇粥 (7/10)(大$260/小$180)食蒸氣火鍋，一開始就要點粥底，最後先會食。因為要將之前蒸既野食既精華滴番落粥底😳。粥底有極香既松露味😂😂，非常好食。但有冇海鮮既精華呢，我就真係唔覺得有啦😂。anyway 個粥真係好食的。

朋友生日黎呢到食飯....第一次黎, 食物都好新鮮, 雖然海鮮其實都唔平.....但...叫做每台都有個waitress/ waiter serve 你幫你計時同煮好野食, 再分比大家  不過其實我諗自己夾會開心d, 想食咩就食咩...咁樣好似變左去飲咁...

一直都想試蒸氣火鍋見呢間新開 所以同屋企人黎試下book左枱 所以一到就入得即炸響鈴 梅菜豬肉丸一口一粒岩岩好 蒜茸蒸勝瓜 元貝有七個口味試左黑松露同金華火腿茸呢兩個味同元貝都幾夾 花蛤皇又大粒又鮮甜無偷工減料😂👍🏼 牛肉薄薄一片 份量都多 大大碟 白松露菌皇粥好足料 落小小鹽個味已經好出

同fd gathering 一齊去左試蒸氣火鍋8:00pm入座仲有位 可能因為係平日所以唔洗等 正！座位都幾闊 坐得幾舒服除左件外套 店員仲好細心幫我用個椅套保護住 細心既服務👍🏼我地5個人每人揀一兩樣都已經放滿左張枱lu 頭盤先食魚生各樣都不錯 有水準 粟米餅👍🏼👍🏼👍🏼超級好食 十個推介 黑松露蒸雞份量都幾多 黑松露既份量亦都配答得岩岩好 唔會搶左雞味 蒸海鮮(花甲、元貝)完全冇醒味 好鮮甜用蒸氣煮唔落調味料所以新鮮好重要大大粒又新鮮好想瘋狂地食😂😂 粥底係一開始揀既但要到最尾先食得我地揀左白松露菌皇粥所有食材既蒸氣精華都流曬落個粥到所以食起上黎味道都幾豐富唔洗落任何調味料就食得 好健康