敘興粥粉麵茶餐廳

營業中

休息中

今日有事同家人出土瓜灣，然後下午茶順便起土瓜灣食，經過見到就入去依間野。咁我就叫左個下午茶餐，雞翼加薯條，等左成15分鐘先有，然後個女侍應dum低左兩包茄汁，個茄汁包裝已經好舊，望落去似係好多年歷史但因為太肚餓，所以就冇理，照打開唧出嚟，點知啲茄汁係菸黑色，我咁多年都冇見過咁嘅色嘅茄汁。我即刻睇個包裝，原來食用期限係2022年5月，即已經過期7個月，我睇埋第二包茄汁，都係過期7個月。我即刻叫我女侍應，係個呀姨嚟，我同佢講過左期，佢就態度好差咁講：「咁我轉沙律醬比你囉，要唔要」我即刻扯火，話你一句道歉都冇，你比過期野食我喎，佢就話：「咁唔好意思」我就話唔好意思係道歉？你係咪知過左期照比人？佢話：「入面所有蕃茄醬都過哂期，我對冇哂未過期，對唔住，咁你想點」佢咁講，即係佢知係過期但照比人，我就同佢講，你dum哂啲過期茄汁啦，咪再害人。跟住佢就行開左。總括而言，佢1）比過期茄汁2）遲出餐3）態度惡劣4）不知悔改大家要小心依間乞店！