九如坊 (已結業)

個個都淨係寫"九如坊"嘅lunch,等我講吓佢哋嘅dinner。我前幾日同我弟弟去食晚飯,見到坐了8成客,於是我們被招呼到樓上坐。老板tony好好人,講了幾次"唔好意思",因為樓下無位,要我哋坐樓上,又送了一碟燒墨魚咀比我哋做小食~so sweet! 我叫了澳洲雪花西冷牛扒,我弟弟叫了baby羊膝,再加一瓶紅酒,當然還有他們很出名的麵包。我食牛扒出名麻煩,又要1成熟~即係切開要有血水流出(如果牛扒不新鮮是不會流血的)又唔駛汁~只用黑胡椒粉及海鹽,這樣才可以完全品嘗到肉的鲜味。牛扒雖然唔係好多油花~正合現在追求健康飲食的潮流,但勝在肉質鬆軟,肉味香濃。我用刀在中間切開,剛剛1成熟,大厨的功夫值得一讚,(比我上次在parklane 27樓的扒房食的做得還好)。而羊膝亦很嫩滑,至於麵包就用多講,保持一貫水準~外面鬆脆,裡面超軟滑。老板tony有時會過來閒聊幾句,好有at home feel。這裡服務又好,地方幾骨子,價錢又平,好啱拍住拖嚟candle light dinner。