影片
更多
2016-01-24
4481 瀏覽
前幾日約埋一大班朋友去呢間野度食飯，因為其中一位朋友收9點，見到呢度收11點，所以過黎呢度試下。 叫咗6個餸一個湯，其中芋頭鴨算係唔錯嘅一度菜，芋頭味夠，而且炸得啱啱好。杏汁豬肺湯都係上品，味道啱啱好而且冇內臟怪味。兩面黃呢啲傳統潮州野都算不過不失，味道算一般，但起碼脆。叫左兩個鹵水系列，鵝片同鵝肝，份量算少，但味道比一般打冷都好。整體食物評價屬中上，7樣野中冇一樣係伏，算係一間無論點樣點都唔會中招嘅中菜餐廳。野食就ok 嘅，點知， 待應就除咗男部長，其他真係衰到一個極致。 由bb 櫈開始，已經知佢地懶到百佳又唔醒目架喇，講野冇尾音又冇禮貌。估唔到一路食一路陸續有黎呀，9點10幾分諗住加個餸，點知阿姐已經話要last order, 淨係可以叫埋呢樣，我心諗你地唔係收11嘅咩? 點知之後個男部長係10點嘅時候過黎提我地而家先last order, 我幾想同佢講你同事一早已經唔收order 啦!我地一路食阿姐就一路推架車黎收，又唔問喎，未食完又照收! 頭先上菜嗰陣冇位擺又唔見你地咁很勤力? 一路食就一路煩，我知你地趕收工呀，都唔洗咁牙? 同埋你地寫你地收11點架!! 之後仲出超必添，熄燈!
叫咗6個餸一個湯，其中芋頭鴨算係唔錯嘅一度菜，芋頭味夠，而且炸得啱啱好。杏汁豬肺湯都係上品，味道啱啱好而且冇內臟怪味。兩面黃呢啲傳統潮州野都算不過不失，味道算一般，但起碼脆。叫左兩個鹵水系列，鵝片同鵝肝，份量算少，但味道比一般打冷都好。整體食物評價屬中上，7樣野中冇一樣係伏，算係一間無論點樣點都唔會中招嘅中菜餐廳。
野食就ok 嘅，點知， 待應就除咗男部長，其他真係衰到一個極致。 由bb 櫈開始，已經知佢地懶到百佳又唔醒目架喇，講野冇尾音又冇禮貌。估唔到一路食一路陸續有黎呀，9點10幾分諗住加個餸，點知阿姐已經話要last order, 淨係可以叫埋呢樣，我心諗你地唔係收11嘅咩? 點知之後個男部長係10點嘅時候過黎提我地而家先last order, 我幾想同佢講你同事一早已經唔收order 啦!
我地一路食阿姐就一路推架車黎收，又唔問喎，未食完又照收! 頭先上菜嗰陣冇位擺又唔見你地咁很勤力? 一路食就一路煩，我知你地趕收工呀，都唔洗咁牙? 同埋你地寫你地收11點架!! 之後仲出超必添，熄燈! 10點半都未夠，你地就熄燈趕客走，你地有幾趕收工呀? 賣單嗰陣，收佢地放低張單先，我地睇睇，之後有朋友比卡，點知佢可以低能到問，“就咁比牙?” 咩叫就咁比呀? 唔通我比八達通你嘟牙? 低能可唔可以有限度呀?
最後，我有個朋友想攞張收據泊車，自己行去問收銀，收銀話“下次可唔可以早啲呀，我要清機架!” 就算真係煩到你，你唔係咁答你嘅人客下嘛?
放心，唔會有下次!
一定唔會再黎，亦會叫身邊朋友都唔好幫襯!
食餐飯咁受氣都係第一次!
人，真係好難請!
請到啲咁嘅垃圾真係幫公司倒米。
張貼