影片
更多
2016-05-04
1586 瀏覽
比錢買難受既感覺，令到我不吐不快！！！原本七點三坐底叫個二人餐，諗住好似幾好咁可以誠下丫。點知，伏到無朋友！講真，我廿幾年人一直都係USB, 都無諗過自己會有出報告哩一日！佢個set 有Salad，鐵板廣島蠔，炒飯，清酒煮蜆，刺身同壽司。都知哩間野要等架喇，但無諗過最尾食到背脊骨落姐！六百蚊，二個人，都唔平丫下化？都唔緊要！一黎到個蜆我肯定佢無洗過，仲要有沙！我食個蜆既時候仲要見到隻蜆吐緊的水出黎，真係嘔嘔到心！話咁快，等多二個字到，佢黎左個刺身！落單前佢問我洗唔洗加多一百蚊要多半隻毛蟹，好彩，真係好彩，我無！因為跟餐個半隻毛蟹完全唔掂，我第一啖食落去既時候咩味都感受唔到，唯一感受到既就係隻蟹入邊仲有一舊冰。😪😪😪但坦白講，佢其他既刺身都算係咁上下。食完哩個course , 就到廣島蠔屎！我女朋友食左一啖就停左手，質素自己諗。之後就一直等呀等，等呀等，等到我頂唔順就問第一個waitress 我個salad 同個飯要等多幾耐。佢𥄫左我一眼就行開左，如事姐，我問多左三次！個三個waitress 既反應係完全一樣！！！都唔知係咪training 教佢地咁對的客！其間仲有一個waitress
原本七點三坐底叫個二人餐，諗住好似幾好咁可以誠下丫。點知，伏到無朋友！講真，我廿幾年人一直都係USB, 都無諗過自己會有出報告哩一日！
佢個set 有Salad，鐵板廣島蠔，炒飯，清酒煮蜆，刺身同壽司。
都知哩間野要等架喇，但無諗過最尾食到背脊骨落姐！六百蚊，二個人，都唔平丫下化？都唔緊要！
一黎到個蜆我肯定佢無洗過，仲要有沙！我食個蜆既時候仲要見到隻蜆吐緊的水出黎，真係嘔嘔到心！
話咁快，等多二個字到，佢黎左個刺身！落單前佢問我洗唔洗加多一百蚊要多半隻毛蟹，好彩，真係好彩，我無！因為跟餐個半隻毛蟹完全唔掂，我第一啖食落去既時候咩味都感受唔到，唯一感受到既就係隻蟹入邊仲有一舊冰。😪😪😪但坦白講，佢其他既刺身都算係咁上下。
食完哩個course , 就到廣島蠔屎！我女朋友食左一啖就停左手，質素自己諗。
之後就一直等呀等，等呀等，等到我頂唔順就問第一個waitress 我個salad 同個飯要等多幾耐。佢𥄫左我一眼就行開左，如事姐，我問多左三次！個三個waitress 既反應係完全一樣！！！都唔知係咪training 教佢地咁對的客！其間仲有一個waitress 超級極品！可能太多人等位，我地又係張四人枱食野，佢想我地快的走所以搵部冷氣吹住我地！我問佢可唔可以較細的，佢今次終於比到反應我，話第二部冷氣壞左，仲即場係我面前再開大的，我頂丫！
到我問到第四次既時候，我地終於知道自己漏左單！好不容易，我比冷氣吹住咁等左半個鐘，再加三吹四請下終於上左個salad 比我！一個suppose 最開頭上既食物，要去到最尾，姐係一個鐘後先比到我！但個問題係，佢仲差我一個炒飯！！！！！我第五次問個waitress 既時候佢終於如夢初醒，知道個餐仲有一個飯！係八點二十五分既時候，佢比左個外賣飯盒裝住既炒飯比我，比著係你，你忍到嗎？
壽司
$300
37 瀏覽
0 讚好
0 留言
張貼
