四川樓菜館 (已結業)

今次第一次為眼光對住四川，向四川菜出發，最鍾意就係食辣啦！味道：點左干扁牛肉絲，因為朋友唔食得辣而叫左小辣，一黎到食落真係冇咩辣味，不過都幾刺激胃口，唯獨太油啦！賽螃蟹都幾好味，因為蛋白加埋少少湯底好有味 最後仲有一個三鮮鍋巴好好味！最好食係呢一個，有d金華火腿、雞肉、磨菰等等係個湯度，淋落卜卜脆既飯焦度真係好味 食飽仲有糖水送，雪梨雪耳，雖然太甜，但都唔介意照飲！ 服務：好！可能果時唔多客啦，侍應好有心咁幫我地，答哂我地既問題！見到呢度有幾檯都係日本人，個部長原來仲識講日文添！ 係呢度食野都因為咁所以覺得好開心 抵食：最值得讚呢度既除左服務好之外，仲有就係小菜可以揀中size或者細size，咁就唔怕中菜太大碟食唔哂，仲可以試多幾款添！ 可以試多幾款而且價錢又唔貴，你話抵唔抵？