好德來小籠包店 (已結業)

平日收工黎到佐敦，突然想食小籠包所以特意黎到好德來食晚飯。平日唔會太多人，一入到去就有位坐。首先當然先點左一籠招牌小籠包試一試，味道同想像中差唔多，湯汁都好食，另外亦叫左枝凍豆漿飲，一枝可以岩岩好分到兩杯。之後就叫左份排骨湯麵，排骨係分開上，原來好大份，同時炸得非常香脆，肉質又唔會炸到好乾，整體味道比預期中好好多，而湯麵既麵條口感都不錯，係成餐飯最滿意既野食。最後仲叫左份甜品，就係紫薯水晶糰，其實都係貪佢既外觀幾別緻同個人喜愛紫薯既關係而點。雖然已經有心理準備就咁蒸完既紫薯會好淡味，但可惜實際既味道比預期中仲要淡得多，口感上同水晶糰亦唔係特別夾既感覺，所以都係試一次就好。但係總括而言我仍然幾滿意呢間中餐廳，雖然食物價格唔係特別便，但當日店員既服務態度都幾友善同主動，所以留低唔錯既印象。