Cabin Crew Coffee by Holly Brown (已結業)

疫情兩年幾以黎都冇得去旅行，而依間餐廳就係睇中左依點，以飛機做主題，聽落都幾吸引，所以去之前都好大期望。雖然係主題餐廳，但其實裝修設計都算簡單，只有一個打卡位比較有特色，就係模仿飛機既窗邊位，朋友係5月12號已經打電話去book枱，指明要坐依個位，而當時既staff都話ok。但當我地5月24號準時去到既時候，竟然話冇哂窗邊位，跟住安排我地住bar枱，我地唯有無奈接受。bar枱比較高身，加上並無腳踏設計，對女仔黎講十分唔友善，連身高170cm既朋友都話有d吊腳。基於餐廳最低消費要求每位客人要叫一款食物，我地4個就叫左4個dinner set，包餐湯、餐包、生果、甜品、飲品同主菜。點餐完成之後，五分鐘就送上前菜，因為想模仿飛機餐，所以將餐湯、餐包、生果同甜品放埋一齊，一併送上。但係冇考慮到客人唔會想食完生果、甜品先食主菜，我地唯有拎起依兩樣野擺埋一邊先。餐湯係忌廉粟米湯，都幾大碗幾creamy，不過完全唔熱。我地碗湯都未飲到一半，已經上左三個主菜，分別係鱸魚、意大利飯同漢堡包。而我地都快快手飲哂碗湯，影左兩張相（真係只係兩張），就開始食主菜，令我地好吃驚既係每一道菜都係唔熱，連暖都稱唔上。