鳴橋燒肉料理 (已結業)

話說我同朋友約食飯，朋友話想食燒肉，好啦，就上網搵下睇下，見咁多好評就決定簡呢間，我地加左40蚊升級，會有多6樣食物可以簡，燒物有蝦有牛肋肉有帆立貝，仲有帶子刺身，另外果兩樣燒物已經唔記得左係咩啦！！我地先叫刺身燒物食，刺身係ok嘅，跟住我地開始食燒肉啦，佢個爐上面放左張紙，其實我唔知張紙嘅用處，但咁樣燒嘅嘢會無左燒果個味道，同埋d食物會變得無咁易熟，牛肋肉個size好細塊，諗住都會好出色，點知好難食，無味，口感好似食緊擦膠咁，咁個心唔憤氣就叫埋牛柳塊同一口牛試下，呢兩個係好少少，起碼咬得爛先，青口係無殻架，帆立貝，餃子同天婦羅蝦都叫不過不失，但我以後都唔會再黎呢度食，完全比d食評呃左，大家如果想黎食真係要諗清楚呀！！！！