繁花餅房 (已結業)

帶住大佬未食晚飯又想揾個地方hea下，係官塘揾揾下，俾我搵到一間隱世餅房，🌸繁花餅房🌸，仲要係寵物友善餐廳，佢係一間可以俾毛孩狂奔嘅cafe😆😆，裝修都係打卡一流嘅粉系色，簡樸得來帶點時尚，佢仲有一幅蛋糕牆，每一個都非常逼真，設計好創新🎂🎂另外仲有幾個打卡位嫁，當中千秋，熊啤啤都受歡迎💪🏻💪🏻佢呢度暫時都係得甜點同嘢飲，留意番，佢地係收6pm，所以淨係做一個下晝，佢哋仲有推出英式下午茶，記住預早徵詢啊😉我哋就嗌咗一杯💙藍山咖啡，☕️一杯凍嘅Latte同一份🧇鬆餅😆😆☕️藍山咖啡既咖啡豆都夠香濃，冇奶既情況下更加突顯出咖啡嘅真正味道，而latte方面佢既奶味都夠香，呢個價錢，呢個質素，係唔錯嫁啦🧇至於鬆餅佢有兩件，係即叫即整嫁，等耐少少都值😆，事關新鮮出爐熱辣辣，味道都唔同啲既，外面有啲脆，裡面非常軟熟，唔會好乾，所以焗得啱啱好，而果醬先係主角，佢有牛油忌廉同自家製既果醬，係🍓原粒士多啤梨啊，好有誠意，甜酸度控制得剛剛好，的確唔錯嫁😋😋最後大佬表示服務非常好，有得比我跑，有得比我瞓，仲有staffs姐姐同我玩又nice，唔錯唔錯🐶🐶