十二味熱辣火鍋莊

營業中

休息中

餓底是日川菜癮發，又拖左朋友去食辣野🤤燒椒皮蛋：看這紅油的陣勢，就知道同平時食開嘅皮蛋好唔同，辣妹至愛。飄香毛血旺：之前都要返大陸有得食，而家响香港都食到！毛血旺其實都幾似韓式部隊鍋，不過係麻辣版，入面有鴨血、豬大腸，魷魚鬚、豬皮、芽菜同午餐肉，勁豐富，又香又辣。天氣咁熱既情況下食辣野，點可以唔配凍飲，叫左慾望酸梅同熱情果蘇打，都幾大杯，飲落透心涼，解辣又解渴。幺妹兒冰粉：啲冰粉好似豆腐花咁滑吖，凍凍地甜度剛剛好，食完辣野食返碗冰粉真係好爽！紅糖糍粑：好有驚喜，外脆內軟，一啲都唔痴牙，點埋個黑糖醬，味道超夾，瞬間清碟！