甘味讚岐手打烏冬 (已結業)

閒話休題。晚飯時間新都城周圍搵食。就咁鐘入去試下。過程如下:坐低>點菜>被拒絕>隔離台細路尖叫系啊，好平淡咁坐低又無咩招呼，到點菜先有個待應側住身手指指淡然吐出兩個字“寫字”。食落又唔系話難食，系全無感動。其實嘢食唔系話一定要好花巧食材好高貴等等，放落口你會感受到有無心機。點個三文魚炒飯無香味，個蟹肉餅我又食唔到蟹肉，想點姐。食食下，隔離台Ｄ靚仔靚妹系甘尖叫。講真，本身已經燥底，見到Ｄ老豆老母可以大庭廣眾由得Ｄ細路嘈，仲燥。我唔知你點開咁多間分店。不如考慮下點樣整好Ｄ嘢食，同埋記得對員工好Ｄ。睇你鋪頭員工表現我可以想象你平日對人地有幾好。