影片
更多
2021-12-01
1355 瀏覽
龍景軒連續十三年奪得米芝蓮三星，一直都好期待到底粵菜三星有幾好食。但係期望越大失望越大，整體黎講，食物係好既，尤其係點心，但係唔會有驚喜，完全唔值呢個價假日特色點心 ($36/件)今次點心係粉果，皮超薄，晶瑩剔透，同平時食既粉果口感完全唔同，餡料亦好出色，最有驚喜係呢件😋筍尖鮮蝦餃 ($36/件)皮薄，蝦肉都好足料，彈牙有蝦味豉汁龍蝦馬蹄腸粉 ($260)腸粉皮好薄，滑溜有米香，龍蝦肉質素幾高，彈牙有鮮甜味，但係豉汁味太濃，搶哂龍蝦既味，如果龍蝦本身唔靚咁既配搭冇問題，但呢隻龍蝦係靚料，咁做完全削弱哂食材鮮味🙈瑤柱小籠包 ($36/件)皮薄唔易穿，多肉汁，豬肉餡肉味濃，但鮮味太單調，我期望既係唔同材料配搭出黎多層次既鮮，而唔係單單用靚豬肉既鮮😅蟹籽蒸燒賣 ($36/件)同小籠包感覺好似，基本好食係做到，但餡料欠缺特色崧子叉燒菠蘿包 ($36/件)菠蘿皮酥脆，醬汁幾濃唔錯，餡料亦好足，但叉燒肉味唔突出原隻鮑魚雞粒酥 ($88/件)餐廳最出名既點心，下層既撻鬆化有牛油香，好出色，上層鮑魚煙韌但質素普通亦唔入味，鮑魚汁正常水平雖然上面幾款點心都好食，但係絕對唔值咁貴。賣得貴唔係問題，但要有特
假日特色點心 ($36/件)
今次點心係粉果，皮超薄，晶瑩剔透，同平時食既粉果口感完全唔同，餡料亦好出色，最有驚喜係呢件😋
32 瀏覽
0 讚好
0 留言
筍尖鮮蝦餃 ($36/件)
皮薄，蝦肉都好足料，彈牙有蝦味
15 瀏覽
0 讚好
0 留言
豉汁龍蝦馬蹄腸粉 ($260)
腸粉皮好薄，滑溜有米香，龍蝦肉質素幾高，彈牙有鮮甜味，但係豉汁味太濃，搶哂龍蝦既味，如果龍蝦本身唔靚咁既配搭冇問題，但呢隻龍蝦係靚料，咁做完全削弱哂食材鮮味🙈
18 瀏覽
0 讚好
0 留言
瑤柱小籠包 ($36/件)
皮薄唔易穿，多肉汁，豬肉餡肉味濃，但鮮味太單調，我期望既係唔同材料配搭出黎多層次既鮮，而唔係單單用靚豬肉既鮮😅
13 瀏覽
0 讚好
0 留言
蟹籽蒸燒賣 ($36/件)
同小籠包感覺好似，基本好食係做到，但餡料欠缺特色
13 瀏覽
0 讚好
0 留言
崧子叉燒菠蘿包 ($36/件)
菠蘿皮酥脆，醬汁幾濃唔錯，餡料亦好足，但叉燒肉味唔突出
13 瀏覽
0 讚好
0 留言
原隻鮑魚雞粒酥 ($88/件)
餐廳最出名既點心，下層既撻鬆化有牛油香，好出色，上層鮑魚煙韌但質素普通亦唔入味，鮑魚汁正常水平
41 瀏覽
0 讚好
0 留言
雖然上面幾款點心都好食，但係絕對唔值咁貴。賣得貴唔係問題，但要有特色，幾款點心比我既感覺就係將平時酒樓用既材料換哂做靚料，但係調味上完全冇花心思落去
蜜汁燒叉燒 ($360)
叉燒厚切，肥瘦均勻，鬆化有咬口，但肉味唔夠濃，亦欠缺燶邊
19 瀏覽
1 讚好
0 留言
孜然薑蔥尖椒爆羊展肉 ($280)
羊肉嫩滑，肉味唔錯但孜然味稍強，有小小蓋過肉味，蔥椒爆得好香好好食
20 瀏覽
1 讚好
0 留言
如意琵琶映紗窗 ($340)
用竹笙包著露荀，加上琵琶豆腐，兩樣都唔錯，最出色係芡汁，鮮味淡雅，係幾特別既素菜
48 瀏覽
0 讚好
0 留言
龍景軒炒飯 ($460)
成餐最差既食物，呢個炒飯唔算難食既，最大問題係茶餐廳級數既炒飯而收我$460🤬
炒得乾爽粒粒分明係有既，但呢個只不過係最低要求，成碟飯完全冇鑊氣食落唔香口。海鮮份量極少，質素亦好普通，呢個情況下仲要將海鮮切到咁碎，冇口感之餘亦冇鮮味。而調味都可以完全冇特色，材料普通咪加啲鮮味啲既調味料，落XO醬都好過而家就咁落鹽糖去炒啦。收得咁貴仲要唔比心機去炒，想點?
23 瀏覽
0 讚好
0 留言
香芒楊枝甘露 ($92/碗) 芝麻糊 ($82/碗)
兩樣甜品都無咩特別，楊枝甘露比較差，同普通糖水鋪果啲$30一碗既楊枝甘露一樣味🙈反而最後送既合桃酥同紅豆榚仲好食
24 瀏覽
0 讚好
0 留言
龍景軒環境同服務都好，但冇一樣食物會令人嘩一聲。食完呢餐覺得米芝蓮中菜毫無可信性，龍景軒莫講話三星，我連一星都唔覺得佢值，呢間餐廳我好肯定唔會食第二次
價錢: $930/位 (有加一)
環境: 9/10
味道: 8/10
性價比: 5/10
張貼
