原藝 (已搬遷) 新店位置

今日喺界限街訂完cushion就喺附近搵到呢間似幾型格嘅餐廳，平民區有咁高質素確係難得，事不宜遲天氣咁熱，即係衝入去先餐廳唔算大，坐高櫈吧枱。我哋二人總共點咗一個Set Lunch 另外有漢堡泡芙同埋d小食。Main揀咗大蝦黑松露意大利飯加咗個黑松露湯蘑菇濃湯。另外，法式咸泡芙安格斯漢堡串燒招牌雞串，牛肩胛，牛舌廚師好重手。個濃湯勁重料，松露味已經好香，而且每啖都好creamy, 仲有好多菇碎溶入整碗湯，一d都唔馬虎。泡芙漢堡勁靚仔，用泡芙做嘅漢堡都係第一次食，賣相已經吸引到我流晒口水，切開一半後睇到厚厚嘅安格斯流緊出緊煙嘅肉汁，香噴噴。好好食！肉質唔鞋之餘真係好多肉汁，咸泡芙夠獨特打破傳統，成功取替麥包。大蝦黑松露意大利飯兩隻約四吋長大蝦好彈牙。蝦身傳出濃濃嘅蝦香。似焗完出嚟嘅效果。意大利飯粒粒煙靭之餘吸收晒松露味同忌廉，creamy又香口。至於串燒雞有三粒。皮脆肉唔止滑而且做到真juicy, 即燒即食夠邪惡。牛肩胛肉質有層次但唔鞋。重牛味。又係正。牛舌我就覺得正常，但都唔差。整體感覺去咗港島區食嘢咁，店內只係聽到烹飪嘅聲音，感覺格調高，又一間民間廚神出現。